Font Carakan (Hanacaraka)

Font Carakan (Hanacaraka)

Font (huruf) Carakan utawa aksara-Jawa iki minangka piranti kanggo nulis aksara Jawa neng komputer. Bisa diarani panulisan aksara Jawa manual, marga gumantung keprigelane panulis, nanging asile luwih akurat tinimbang nggunakake translator, kaya software Pallawa ing dhuwur. Font iki asil-karyane Mas Budi saka Purwakerto ing taun 2006. Jenenge font yaiku Hanacaraka AB Normal, jinise font true type font (ttf). Font iki sipate lokal, dadi ora saben komputer bisa maca dokumen/ file sing ditulis nganggo font Hanacaraka AB Normal iki. Supaya komputer bisa maca dokumen/ file kuwi, komputer kudu diinstal font Hanacaraka luwih dhisik.

Carane nginstal:
Windows 7,8,10 lst.: dobel-klik font Hanacaraka AB-klik install Windows XP: 
klik tengen font Hanacaraka AB, klik Copy

dobel klik drive C

dobel klik folder WINDOWS

dobel klik folder Fonts

klik tengen(selane fonts) klik Paste, font Hanacaraka wis kasil diinstal

Carane nggunakake:
Supaya font  bisa kanggo nulis aksara-Jawa neng komputer, isih kudu nganggo software aplikasi liya, umpamane kanggo nulis dokumen, bisa nggunakake MS Word.

Carane:
Dobel klik MS Word

ganti font Calibri(Body) utawa liyane nggon kothak font nganggo font Hanacaraka AB(warna oranye tulisane carakan)

• 
  
• 
  

Saiki keyboard wis bisa kanggo nulis aksara-Jawa. Supaya font-e ora kegedhen ukurane disetel 9 utawa 10, carane klik tandha panah mengisor neng kothak font size-klik 9/10

Kanggo ancer-ancer carane nulis carakan neng kibot, Putra-Siswa bisa ngundhuh Pangetike Carakan Hanacaraka AB neng komputer, ing kono diaturake ancer-ancer tata-letak font ing keyboard. Nanging panduan iki ora kena kanggo baku, amarga font Carakan iku cacahe akeh banget, ora mung Hanacaraka AB, isih akeh liyane, jenenge beda, tata-letak font ing keyboard-e uga beda-beda. Nanging para Designer Font kalebu Mas Budi iki uga wis nimbang-nimbang supaya font Carakan Hanacaraka AB iki gampang diapalake ngetike ing keyboard, mula tata-letak font Carakan ing keyboard digawe mirib karo tata-letak font Latin, kaya ing ngisor iki:

Contone: tuts A=ha, Shift-A=a (aks. swara),tuts N=na, Shift-N=pasangan na, tuts 1=angka 1, Shift-1=NA (na murda), tuts 7= angka 7, Shift-7=BA (ba murda), geneya? marga aksara-Murda iku gunggunge ana 7 (pitu), yaiku NA-KA-TA-SA-PA-GA-BA, kawiwitan NA dipasang neng angka 1, nganti tekan BA tiba angka 7 lsp.. Mangkono iku rancangan tata-letak font Carakan neng keyboard sing lumrah supaya nggampangake pangetike neng keyboard komputer. Ayo para siswa dikulina nulis nganggo aksarane dhewe neng komputer supaya ora ketinggalan teknologi informasi, sapa maneh sing bakal nganggo yen ora awake dhewe!