Sekar Sinom
Laras Pelog Pathet Barang (Lr. Pl. Pt. Br)
Tuntunan nembang Macapat Sinom iki rinengga titi-laras lan cakepan, titi-larase (tangga-nada=Ind.) Pelog sing tegese ora salugune, Pathet tegese wektu utawa wayah, Barang tegese samubarang utawa sadengah wektu/ sawayah-wayah. Dene cakepane' (lirik-lagu=Ind.) tembang dijupuk saka Pupuh Sinom pada sepisan saka Serat Wedhatama.
Sekar Sinom dumadi saka 9 gatra (larik), dene guru wilangan lan lagune (dhongdhing) yaiku 8a, 8i, 8a, 8i, 7i, 8u, 7a, 8i, 12a. Watak Sekar Sinom iku resep utawa luwes. Sekar tegese kembang, banjur mingset dadi tembang. Sinom tegese Si Anom, utawa perangan remane putri sing wangune ngudhup-turi. Sekar Sinom pralambange wanita.
Para Siswa bisa ngundhuh MP3 Sekar Sinom iki kanggo pasinaon mandiri, uga kanggo ngawekani pamulangan klasikal nembang kang winates. Dene apalane ing ngisor iki
